शिवसेना खासदार संजय राऊत यांना न्यायालयाने ८ ऑगस्टपर्यंत ईडी कोठडी सुनावली आहे. पत्राचाळ प्रकरणामध्ये संजय राऊतांना ईडीने ३१ ऑगस्टला अटक केली होती. ईडीच्या PMLA कोर्टात गुरूवारी राऊतांना हजर करण्यात आले होते.
पत्राचाळ गैरव्यवहारातून संजय राऊत आणि त्यांच्या कुटुंबाला १ कोटी ६ लाख रुपये मिळाल्याचा आरोप ईडीने केला आहे. त्याबाबत माहिती घेण्यासाठी या प्रकरणी ईडीने मंगळवारी दोन ठिकाणी शोध मोहीम राबवली होती. लवकरच या प्रकरणाशी संबंधित आणखी काही व्यक्तींची चौकशी ईडीकडून करण्यात येणार आहे.
