मुंबई, 13 नोव्हेंबर, 2022: मुंबईतील सूर्या हॉस्पिटल्सने बालदिनानिमित्त सायकलिंग इव्हेंटचे आयोजन केले होते, निरोगी जीवनाविषयी जागरुकता निर्माण व्हावी आणि मुलांना त्यांचा गॅझेट वेळ कमी करण्यास प्रोत्साहन द्यावे ह्या हेतूने. सायक्लोथॉनमध्ये, 150 हून अधिक मुलांनी भाग घेतला होता, हया वेळी 2 ते 17 वर्षे वयोगटातील मुलांनी गॅझेट वापरणे सोडून देण्याचे वचन दिले.
सूर्या हॉस्पिटल्सचे व्यवस्थापकीय संचालक डॉ. भूपेंद्र अवस्थी यांनी या कार्यक्रमाला हिरवी झेंडी दाखवली.
सायक्लोथॉन सकाळी 6.30 वाजता सूर्या हॉस्पिटल्स पासून सुरु झाली ती जुहू बीच आणि सूर्या हॉस्पिटलमध्ये परतली होती.
यावर बोलताना सूर्या हॉस्पिटल्सचे व्यवस्थापकीय संचालक डॉ भूपेंद्र अवस्थी म्हणाले, “महामारीच्या काळात गॅजेट्स वापरण्याचा परिणाम मुलांच्या शारीरिक आणि मानसिक आरोग्यावर मोठ्या प्रमाणावर झाला आहे.
सूर्या हॉस्पिटल्सने मुलांमध्ये गॅझेटच्या वापरातील धोक्यांविषयी जागरुकता निर्माण करण्यासाठी आणि त्यांच्याशी संबंधित समस्यांबद्दल त्यांना शिक्षित करण्यासाठी हा पुढाकार घेतला आहे. 150 हून अधिक सहभागींसह हे सर्वात मोठे उपनगरीय मुलांचे सायक्लोथॉन आहे. सायक्लोथॉन स्पर्धेदरम्यान मुलांचा उत्साह पाहून आम्हाला आनंद झाला.”
सूर्या हॉस्पिटल्स मुंबईचे फैसिलिटी डायरेक्टर, डॉ भवन डी. पुढे म्हणाले, “आमच्याकडे मुंबई, पुणे आणि जयपूरमध्ये दर्जेदार आरोग्य सेवा पुरवून जागतिक दर्जाच्या बालरोग सेवेचा वारसा आहे. आमचा विश्वास आहे की प्रत्येक मूल मौल्यवान आहे आणि सर्वोत्तम काळजी घेण्यास पात्र आहे आणि आम्ही डॉक्टर, परिचारिका आणि सपोर्ट स्टाफच्या आमच्या उत्साही टीममुळे हे शक्य केले.
ही सायक्लोथॉन मुलांच्या निरोगी भविष्यासाठी बाल आरोग्याच्या दिशेने टाकलेले आणखी एक पाऊल आहे.मी सर्व मुलांना बालदिनाच्या खूप खूप शुभेच्छा देतो आणि प्रत्येक मुलाने निरोगी जीवन जगावे आणि त्यांच्या पालकांना अभिमान वाटावा असे त्यांचे स्वप्न पूर्ण करावे अशी मी प्रार्थना करतो.”
