शिंदे गटाला ‘बाळासाहेबांची शिवसेना’ नाव मिळालं पण शिंदे गटाचे तिन्ही चिन्हं निवडणूक आयोगानं अमान्य केली आहेत. पुन्हा नव्याने तीन चिन्हे सूचवा, असा आदेश निवडणूक आयोगानं दिली आहेत. शिंदे गटाने उद्या सकाळपर्यंत तीन चिन्हे निवडणूक आयोगाकडे सादर करायची आहेत, त्यानंतर शिंदे गटाच्या निवडणूक चिन्हाबाबत आयोग निर्णय घेणार
किशोरी पेडणेकर यांनी पहिली प्रतिक्रिया दिली आहे. आता मशाली पेटवा. उष:काल झाला आहे, असे पेडणेकर म्हणाल्या
मुंबई : केंद्रीय निवडणूक आयोगान उद्धव ठाकरेंना शिवसेना उद्धव बाळासाहेब ठाकरे हे नाव दिलं आणि मशाल चिन्ह देण्यात आलं आहे. संयुक्त महाराष्ट्राच्या लढ्याचं प्रतीक हे हाती मशाल धरलेलला कामगार आणि शेतकरी असं आहे. उद्धव ठाकरेंना मशाल चिन्ह मिळाल्यानं महाराष्ट्राच्या कानाकोपऱ्यात नवं चिन्ह पोहोचवण्यास त्याचा फायदा होऊ शकतो, असं राजकीय जाणकारांचं मत आहे. शिवसेनेचा वाद केंद्रीय निवडणूक आयोगात पोहोचला होता. अंधेरी पोटनिवडणुकीच्या पूर्वी शिंदे गटानं आयोगानं चिन्हाबाबत तातडीनं निर्णय घ्यावा, अशी मागणी केली होती. निवडणूक आयोगानं दोन्ही गटांकडून कागदपत्र सादर करण्यात आल्यानंतर शिवसेना आणि धनुष्यबाण हे मुळ चिन्ह गोठवण्याचा निर्णय घेतला. केंद्रीय निवडणूक आयोगानं दोन्ही गटांना नवी नावं आणि चिन्ह सादर करण्यास सांगितलं होतं. उद्धव ठाकरे यांच्या गटानं शिवसेना बाळासाहेब ठाकरे, शिवसेना बाळासाहेब प्रबोधनकार ठाकरे, शिवसेना उद्धव बाळासाहेब ठाकरे ही तीन नावं दिली होती. तर चिन्ह म्हणून त्रिशुळ, उगवता सूर्य आणि मशाल हे चिन्ह आयोगाला दिलं होतं.
शिवसेना पूर्वी नोंदणीकृत पक्ष नव्हता. त्यामुळं शिवसेनेला १९८९ मध्ये धनुष्यबाण चिन्ह मिळालं होतं. त्यापूर्वी शिवसेनेच्या उमेदवारांची नोंद अपक्ष म्हणून व्हायची. १९८५ साली छगन भुजबळ हे मशाल चिन्हावर विधानसभेत विजयी झाले होते. तर, औरंगाबाद लोकसभा मतदारसंघातील सेनेचा पहिला खासदार देखील मशाल चिन्हावर निवडून आला होता, असं चंद्रकांत खैरे यांनी सांगितलं. १९८९ च्या लोकसभा निवडणुकीत औरंगाबाद लोकसभा मतदार संघात शिवसेना पुरस्कृत मोरेश्वर सावे मशाल चिन्हावर खासदार झाले होते. शिवसेनेनं यापूर्वी ढाल तलवार, रेल्वे इंजिन, उगवता सूर्य, या विविध चिन्हांचा वापर केला होता.
मशाल चिन्ह तिसरा पसंतीक्रम
उद्धव ठाकरे यांच्याकडून तीन चिन्ह देण्यात आली होती. त्यामध्ये त्रिशुळ, उगवता सूर्य आणि मशाल ही चिन्ह देण्यात आली होती. ठाकरे गटानं दिलेल्या तिसऱ्या स्थानावर असलेलं चिन्ह उद्धव ठाकरेंना मिळालं. मशाल हे चिन्ह यापूर्वी एका राजकीय पक्षाकडे होतं मात्र त्या पक्षाचा जनाधार कमी झाल्यानं ते चिन्ह खुलं झालं होतं. ते आता उद्धव ठाकरे यांना मिळालं होतं.
दरम्यान, निवडणूक आयोगाच्या या निर्णयानंतर उद्धव ठाकरे गटातील नेत्या किशोरी पेडणेकर यांनी पहिली प्रतिक्रिया दिली आहे. आता मशाली पेटवा. उष:काल झाला आहे, असे पेडणेकर म्हणाल्या आहेत.
शिंदे गटाला ‘बाळासाहेबांची शिवसेना’ नाव मिळालं

निवडणूक आयोगानं ‘बाळासाहेबांची शिवसेना ‘ हे नाव शिंदे गटाला दिलं आहे. तर उद्धव ठाकरे यांच्या गटाला ‘शिवसेना उद्धव बाळासाहेब ठाकरे’ हे नाव दिलं आहे.
दुसरीकडे, निवडणूक आयोगानं निवडणूक चिन्हांबाबतही निर्णय दिला आहे. ‘धगधगती मशाल’ हे चिन्ह उद्धव ठाकरे गटाला दिलं आहे. पण शिंदे गटाचे तिन्ही चिन्हं निवडणूक आयोगानं अमान्य केली आहेत. पुन्हा नव्याने तीन चिन्हे सूचवा, असा आदेश निवडणूक आयोगानं दिली आहेत. शिंदे गटाने उद्या सकाळपर्यंत तीन चिन्हे निवडणूक आयोगाकडे सादर करायची आहेत, त्यानंतर शिंदे गटाच्या निवडणूक चिन्हाबाबत आयोग निर्णय घेणार आहे.
पक्षाचं नाव आणि पक्षचिन्ह दोन्ही मागण्या मान्य, शिवसेनेच्या ठाकरे गटाकडून पहिली प्रतिक्रिया, म्हणाले…
निवडणूक आयोगाने पक्षाचं नाव आणि पक्षचिन्ह अशा ठाकरे गटाच्या दोन्ही मागण्या मान्य केल्या आहेत. यानंतर ठाकरे गटाकडून पहिली प्रतिक्रिया आली आहे.
उद्धव ठाकरे व एकनाथ शिंदे