गेल्या सात महिन्यांत तीन वादळे…

21 ऑक्टोबर : अरबी समुद्रातील जोरदार वादळ ओमानकडे सरकले
ऑक्टोबरमध्ये अरबी समुद्रात तेज नावाचे वादळ निर्माण झाले होते. पूर्वी ते भारताच्या दिशेने येण्याची शक्यता होती. नंतर IMD ने सांगितले की, चक्रीवादळाचा गुजरातच्या किनारी भागात धडकण्याचा धोका टळला आहे. हे वादळ गुजरातपासून 1600 किमी दूर ओमान आणि येमेनच्या दिशेने सरकले आहे.

13 जून : अरबी समुद्रातून उठलेल्या बिपरजॉय वादळाने गुजरात, महाराष्ट्रात विध्वंस केला
अरबी समुद्रातून 13 जून रोजी उदभवलेल्या बिपरजॉय चक्रीवादळामुळे भारतात मोठ्या प्रमाणात विध्वंस झाला होता. 15 जूनच्या संध्याकाळी वादळाचा तडाखा गुजरातच्या कच्छ जिल्ह्यातील जाखाऊ बंदरावर आला. या काळात ताशी 150 किमी वेगाने वारे वाहत होते. त्यामुळे गुजरात आणि मुंबईच्या किनारी भागात जोरदार पाऊस झाला. गुजरातमध्ये ९ जणांचा मृत्यू झाला होता.

7 मे : बंगालच्या उपसागरात मोका चक्रीवादळामुळे म्यानमारमध्ये 3 जणांचा मृत्यू झाला .
७ मे रोजी बंगालच्या उपसागरात मोका वादळ आले होते. तत्पूर्वी ते भारतीय किनारपट्टी क्षेत्राकडे सरकत होते. नंतर ते म्यानमारच्या किनारपट्टीला धडकले. सुमारे 200 किलोमीटर वेगाने वाहणारे वारे आणि मुसळधार पावसामुळे अनेक घरांची छप्परे उडून गेली आणि मोबाईल टॉवर पडले. या वादळाचा बांगलादेशवरही परिणाम झाला.

‘मिचॉन्ग’ वादळाचा प्रभाव मध्य प्रदेशातही पाहायला मिळत आहे. बुधवारी सकाळी भोपाळ, रीवा, ग्वाल्हेर आणि चंबळ विभाग तसेच छतरपूर, टिकमगड, निवारी जिल्ह्यात धुके होते. थंड वारा वाहत होता. हवामान खात्याने (IMD) दिलेल्या माहितीनुसार, बुधवारी वादळाचा प्रभाव दिसून येईल. जबलपूर-शहडोल विभागातील जिल्ह्यांमध्येही हलका पाऊस पडू शकतो.