भारतीय संघाने या वर्ल्ड कपमध्ये अपराजित राहण्याचा विक्रम केला
भारताने नेदरलँडचा 160 धावांनी पराभव केला आहे. डच संघासमोर 411 धावांचे लक्ष्य होते, परंतु संपूर्ण संघ 47.5 षटकात 250 धावांवरच मर्यादित राहिला. नेदरलँडचा शेवटचा फलंदाज भारतीय कर्णधार रोहित शर्माने बाद केला. तत्पूर्वी टीम इंडियाचा कर्णधार रोहित शर्माने नाणेफेक जिंकून फलंदाजी करण्याचा निर्णय घेतला होता. भारतीय संघाने 50 षटकांत 4 गडी गमावून 410 धावा केल्या. भारताकडून श्रेयस अय्यर आणि केएल राहुल यांनी शतके झळकावली. भारताच्या 410 धावांना प्रत्युत्तर देताना नेदरलँडचा संघ 47.5 षटकात 250 धावांवर सर्वबाद झाला. नेदरलँडसाठी तेजा निदामनुरूने 39 चेंडूत सर्वाधिक 54 धावा केल्या. बरातकडून जसप्रीत बुमराह, मोहम्मद शमी, कुलदीप यादव आणि रवींद्र जडेजाने २-२ बळी घेतले. याशिवाय विराट कोहली आणि रोहित शर्माला प्रत्येकी 1 यश मिळाले.
आज बंगळुरूच्या एम चिन्नास्वामी स्टेडियमवर आयसीसी एकदिवसीय विश्वचषक २०२३ चा ४५ वा सामना खेळला गेला. या सामन्यात भारताने नेदरलँड्सचा १६० धावांनी पराभव केला. त्याचबरोबर या विश्वचषकात सलग ९ सामने जिंकत टीम इंडियाने इतिहास रचला आहे. या विश्वचषकात भारतीय संघ आतापर्यंत अपराजित राहिला आहे. टीम इंडियाचा पहिला सेमीफायनल १५ नोव्हेंबरला मुंबईच्या वानखेडे स्टेडियमवर न्यूझीलंडशी होणार आहे.
