अखेर रखडलेल्या शिंदे सरकारचा मंत्रीमंडळ विस्तार संपन्न; कथित बलात्काराचे आरोपी संजय राठोड व टीईटी घोटाळाफेमचे आरोपी अब्दुल सत्तारांना मंत्रीपदाचे बक्षीस

तुझ्या गळ्या माझ्या गळ्या, गुंफू भ्रष्ट नेत्यांच्या माळा ||

राठोड आणि सत्तारांसाठी माविआच्या या कथित भ्रष्ट मंत्र्यांविरोधी आवाज उठवणारे किरीट सोमय्यांची आता मन की बात

मुंबई : अखेर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या नेतृत्वातील शिंदे-फडणवीस सरकारमध्ये कुणाला संधी मिळाली आहे हे स्पष्ट झालं आहे. शिंदे गटातून नऊजण आणि भाजपातून नऊजण असे एकूण १८ मंत्री या मंत्रीमंडळ विस्तारात शपथ घेणार आहेत. भाजपाकडून भाजपा प्रदेशाध्यक्ष चंद्रकांत पाटलांसह अनेक ज्येष्ठ नेत्यांना संधी मिळाली आहे. दुसरीकडे शिंदे गटाकडून शिंदे गटाचे प्रवक्ते दीपक केसरकरांसह नऊजणांना संधी मिळाली आहे.

शिंदे सरकार सत्तेत आल्यानंतर जवळपास 41 दिवसांनी राज्य मंत्रिमंडळाच्या विस्ताराला मुहुर्त मिळाला. हा रखडलेला मंत्रिमंडळ विस्तार आज, मंगळवारी 11 वाजता राजभवनातील दरबार हॉलमध्ये झाला. यावेळी एकूण 18 आमदारांनी मंत्रिपदाची शपथ घेतली. यामध्ये शिंदे गटाचे 9 तर भाजपकडून 9 जणांचा शपथविधी पार पडला. या सर्व आमदारांनी कॅबिनेट मंत्रिपदाची शपथ घेतली. मुख्यमंत्री शिंदे आणि उपमुख्यमंत्री फडणवीस यांच्यासह एकूण 20 जणांचे हे मंत्रिमंडळ असणार आहे.

शपथविधी सोहळा…