दोन्ही संघांमध्ये आतापर्यंत दोन सामने झाले असून दोन्ही सामने लखनऊने जिंकले आहेत.
या विजयानंतर लखनऊचा संघ गुणतालिकेत दुसऱ्या स्थानावर पोहोचला आहे. तीन सामन्यांनंतर संघाचे 4 गुण आहेत. लखनऊच्या एकना क्रिकेट स्टेडियमवर नाणेफेक जिंकून प्रथम फलंदाजी करताना हैदराबादने 20 षटकांत 8 गडी गमावून 121 धावा केल्या. लखनऊने 5 षटकांत 5 गडी गमावून 122 धावांचे लक्ष्य गाठले..
लखनऊच्या विजयाचे हिरो
कृणाल पंड्याची दुहेरी कामगिरी पांड्याने 4 षटकात 18 धावा देत 3 बळी घेतले. त्याने हैदराबादच्या टॉप ऑर्डरचे कंबरडे मोडले. पंड्याने प्रथम सलामीवीर मयंक अग्रवालला बाद केले. त्यानंतर अनमोलप्रीत सिंग 31 आणि कर्णधार एडन मार्कराम शून्यावर पॅव्हेलियनमध्ये परतला.
केएल राहुलची खेळी राहुलने जबरदस्त खेळी करत संघाला विजय मिळवून दिला. राहुल सलामीला आला आणि कठीण खेळपट्टीतही संयम राखला. कर्णधाराने 31 चेंडूत 35 धावा केल्या.
मिश्रा-बिश्नोईची गोलंदाजी लखनऊचे फिरकी गोलंदाज अमित मिश्रा आणि रवी बिश्नोई यांनीही शानदार गोलंदाजी केली. अमितने चार षटकांत 23 धावांत 2 बळी घेतले, तर रवी बिश्नोईने चार षटकांत सर्वात कमी 16 धावा दिल्या आणि एक विकेटही घेतली.
अशा पडल्या लखनऊच्या विकेट
पहिली: 5व्या षटकातील तिसरा चेंडू, फजलहक फारुकीने काईल मेयरला मयंक अग्रवालकरवी झेलबाद केले.
दुसरी : सहाव्या षटकाच्या शेवटच्या चेंडूवर, भुवनेश्वर कुमारने फॉलो-थ्रूमध्ये दीपक हुडाला कॅच अँड बोल्ड केले.
तिसरी : 13व्या षटकाच्या दुसऱ्या चेंडूवर उमरान मलिकने कृणाल पंड्याला अनमोलप्रीत सिंहकडे झेलबाद केले.
चौथी : राशीद खानने 15व्या षटकाच्या पहिल्या चेंडूवर केएल राहुलला एलबीडब्ल्यू केले.
पाचवी: 15व्या षटकाच्या दुसऱ्या चेंडूवर रशीद खानने रोमॅरियो शेफर्डला एलबीडब्ल्यू केले.
येथे पाहा हैदराबादचा डाव….
राहुल-अनमोलप्रीतच्या संघर्षपूर्ण खेळीमुळे सनरायझर्सने केल्या 121 धावा.
लखनऊच्या भारतरत्न अटलबिहारी वाजपेयी यांच्या एकना स्टेडियमवर नाणेफेक जिंकून हैदराबाद संघाने 20 षटकांत 8 गडी गमावून 121 धावा केल्या.
पहिल्या डावात राहुल त्रिपाठीने 41 चेंडूत 35 आणि अनमोलप्रीत सिंहने 26 चेंडूत 31 धावा केल्या. लखनऊकडून कृणाल पांड्याला तीन बळी मिळाले.
हैदराबादचे फलंदाज फिरकीच्या जाळ्यात अडकले
हैदराबादच्या फलंदाजांना सुरुवातीपासूनच फिरकीपटूंचा सामना करणे कठीण गेले. कृणाल पंड्याने पॉवरप्लेमध्ये मयंक अग्रवालला पॅव्हेलियनमध्ये पाठवले. त्याने 3 गडी बाद केले. त्याच्याशिवाय फिरकी गोलंदाज अमित मिश्राला 2 आणि रवी बिश्नोईला एक विकेट मिळाली. वेगवान गोलंदाज यश ठाकूरलाही एक विकेट मिळाली.
हैदराबादच्या उर्वरित फलंदाजांमध्ये अनमोलप्रीत सिंहने 31, मयंक अग्रवालने 8, हॅरी ब्रूकने 3, वॉशिंग्टन सुंदरने 16 आणि आदिल रशीदने 4 धावा केल्या. उमरान मलिक आणि एडन मार्कराम यांना खातेही उघडता आले नाही. अब्दुल समदने 10 चेंडूत 21 धावा केल्या तो नाबाद राहिला.
अशा पडल्या हैदराबादच्या विकेट
पहिली : तिसऱ्या षटकाच्या पाचव्या बॉलवर कृणाल पांड्याने मयंक अग्रवालला मार्कस स्टॉइनिसच्या हाती झेलबाद केले.
दुसरी : कृणाल पंड्याने 8व्या षटकाच्या 5व्या चेंडूवर अनमोलप्रीत सिंहला LBW केले.
तिसरी: 8व्या षटकाच्या शेवटच्या चेंडूवर कृणाल पंड्याने कर्णधार एडन मार्करामला बोल्ड केले.
चौथी : नवव्या षटकाच्या शेवटच्या चेंडूवर रवी बिश्नोईने यष्टिरक्षक निकोलस पूरनला यष्टिचित केले.
पाचवी : 18व्या षटकाच्या दुसऱ्या चेंडूवर, यश ठाकूरने अमित मिश्राच्या हाती शॉर्ट थर्डवर झेलबाद केले.
सहावी : 19व्या षटकाच्या तिसऱ्या चेंडूवर अमित मिश्राने वॉशिंग्टन सुंदरला दीपक हुडाच्या लाँग ऑफवर झेलबाद केले.
सातवी: 19व्या षटकाच्या शेवटच्या चेंडूवर अमित मिश्राने आदिश रशीदला दीपक हुडाच्या लाँग ऑफवर झेलबाद केले.
आठवी : उमरान मलिक 20 व्या षटकाच्या पहिल्या चेंडूवर धावबाद झाला.
पॉवरप्लेमध्ये मयंकची विकेट
नाणेफेक जिंकून प्रथम फलंदाजी स्वीकारल्यानंतर सनरायझर्स हैदराबादची सुरुवात खराब झाली. तिसऱ्या षटकातच संघाने मयंक अग्रवालची विकेट गमावली. सलामीवीर अनमोलप्रीत सिंगने पुन्हा राहुल त्रिपाठीसह पॉवरप्लेमध्ये एकही विकेट पडू दिली नाही. संघाने 6 षटकांत 1 गडी गमावून 43 धावा केल्या.
