MUMBAI/NHI
आयडियल स्पोर्ट्स अकॅडमी, आरएमएमएस व आयडियल ग्रुपतर्फे क्रीडाप्रेमी आमदार सचिनभाऊ अहिर चषक आंतर हॉस्पिटल टी-२० क्रिकेट स्पर्धेच्या उपांत्य फेरीत प्रवेश करण्यासाठी १३ मार्चला कस्तुरबा हॉस्पिटल विरुद्ध सायन हॉस्पिटलमध्ये चुरस होईल. कप्तान डॉ. परमेश्वर मुंडे, अष्टपैलू अंकुश जाधव आदी क्रिकेटपटूंचा कस्तुरबा हॉस्पिटल क्रिकेट संच आणि कप्तान निलेश चव्हाण, संभाजी थोरात आदी प्रमुख खेळाडूंचा सायन हॉस्पिटल क्रिकेट संघ यामध्ये अटीतटीची लढत शिवाजी पार्क येथील माहीम ज्युवेनाईल खेळपट्टीवर सोमवारी सकाळी ९.३० वा. होईल.
उपांत्य फेरी गाठण्यासाठी जे.जे. हॉस्पिटल विरुद्ध सेव्हन हिल्स हॉस्पिटल यामध्ये देखील दुपारी सामना होणार आहे. दोन्ही संघ बलाढ्य असल्यामुळे क्रिकेट शौकिनांना रंगतदार लढत पाहण्यास मिळेल. कामगार विभागातील नवोदित व उदयोन्मुख खेळाडूंना विविध क्रीडा प्रकारात सातत्याने प्रोत्साहन देण्यासाठी कामगार नेते आमदार सचिनभाऊ अहिर हे कार्यरत असल्यामुळे त्यांच्या ५१ व्या वाढदिवसानिमित्त यंदाही स्पर्धेचे आयोजन करण्यात आले आहे. स्पर्धा यशस्वी करण्यासाठी राष्ट्रीय मिल मजदूर संघाचे सरचिटणीस गोविंदराव मोहिते, शिवछत्रपती पुरस्कार विजेते लीलाधर चव्हाण, आयडियल स्पोर्ट्स अकॅडमीचे उपाध्यक्ष चंद्रकांत करंगुटकर, क्रिकेटपटू प्रदीप क्षीरसागर व क्रिकेटपटू मनोहर पाटेकर कार्यरत आहेत.
