‘गदर 2’ या दिवशी होणार रिलीज; तारा सिंगच्या भूमिकेत दिसणार सनी देओल

Gadar 2 Poster Release: बॉलिवूड अभिनेता सनी देओल (Sunny Deol) च्या ‘गदर 2’ (Gadar 2) या चित्रपटाची चाहत्यांनी बऱ्याच दिवसांपासून प्रतीक्षा आहे. चित्रपटाच्या घोषणेपासून तो चर्चेत राहिला आहे. त्याचबरोबर प्रजासत्ताक दिनानिमित्त (Republic Day) सनी देओलने त्याच्या चाहत्यांना एक भेट दिली आहे. निर्मात्यांनी चित्रपटाचे पोस्टर रिलीज करून त्याची रिलीज डेट जाहीर केली आहे. चाहते सनी देओलला तारा सिंग (Tara Singh) च्या अवतारात पुन्हा एकदा मोठ्या पडद्यावर पाहण्यासाठी खूप उत्सुक आहेत.

सनी देओलने सोशल मीडियावर ‘गदर 2’चे पोस्टर शेअर करून रिलीज डेटची घोषणा केली आहे. सनी ‘गदर’मध्ये हँडपंप उखडताना दिसला होता, यावेळी तो हातात हातोडा घेऊन दिसत आहे. पोस्टरमध्ये सनी तारा सिंगच्या अवतारात डोळ्यात राग, हातात हातोडा आणि हिरव्या पगडीसह काळ्या कुर्तामध्ये दिसत आहे. पोस्टर पाहूनच सनी ‘गदर 2’ मध्ये पुन्हा एकदा बॉक्स ऑफिसवर राज्य करणार असल्याचे दिसत आहे.

पोस्टर शेअर करताना सनी देओलने लिहिले की, ‘हिंदुस्तान जिंदाबाद है… जिंदाबाद था… और जिंदाबाद रहेगा! या स्वातंत्र्यदिनी आम्ही तुमच्यासाठी दोन दशकांनंतरचा भारतीय सिनेमाचा सर्वात मोठा सिक्वेल घेऊन येत आहोत. ‘गदर 2’ 11 ऑगस्ट रोजी चित्रपटगृहात. यासोबतच सनी देओलनेही सर्वांना प्रजासत्ताक दिनाच्या शुभेच्छा दिल्या आहेत.

अनिल शर्मा दिग्दर्शित ‘गदर: एक प्रेम कथा’ 2001 मध्ये रिलीज झाला होता. या चित्रपटात सनी देओलशिवाय अमिषा पटेल आणि अमरीश पुरी यांच्याही प्रमुख भूमिका होत्या. या चित्रपटाला प्रेक्षकांचा चांगला प्रतिसाद मिळाला आणि अशा परिस्थितीत ते ‘गदर 2’ चीही आतुरतेने वाट पाहत आहेत. ‘गदर 2’ स्वातंत्र्य दिनापूर्वी 11 ऑगस्ट रोजी थिएटरमध्ये दाखल होणार आहे.