पिंपरी : चिंचवडचे आमदार लक्ष्मण जगताप यांचे काही दिवसांपूर्वी निधन झाले. त्यांच्या निधनानंतर या मतदारसंघात पोटनिवडणूक जाहीर करण्यात आली आहे. या पोटनिवडणुकीसाठी भाजप, राष्ट्रवादी काँग्रेस यांनी जय्यत तयारी सुरू केली आहे. आता यात मोठी माहिती समोर येत आहे. चिंचवड मतदारसंघाच्या पोटनिवडणुकीसाठी आता शिवसेना उद्धव बाळासाहेब ठाकरे पक्षाचे उमेदवार सचिन भोसले हेही इच्छुक असल्याचे समोर आले आहे.
चिंचवड मतदारसंघात शिवसेनेचे सहा नगरसेवक आहेत. उद्धव बाळासाहेब ठाकरे यांना मानणारा सर्वधर्मीय मतदार या मतदारसंघात आहे. बाळासाहेब ठाकरे यांच्यावर विश्वास व्यक्त करून यापूर्वीच्या निवडणुकीत शिवसेनेने नगरसेवक निवडून दिलेले आहेत.
पाच ज्येष्ठ पदाधिकारीही निवडणूक लढण्यास इच्छुक आहेत. तसेच इतर पक्षातील इच्छुकांनी देखील संपर्क साधला आहे. त्यामुळे या चिंचवड विधानसभा निवडणुकीत शिवसेना उद्धव बाळासाहेब ठाकरे पक्षाने उमेदवार दिल्यास त्यांना बहुमताने निवडून आणण्याचा निर्धार या बैठकीत सर्वांनी व्यक्त केला आहे. शिवसैनिकांची ही मागणी आपण संपर्क नेते आणि ज्येष्ठ नेत्यांपुढे मांडू असेही ॲड. सचिन भोसले यांनी सांगितले आहे.
तसा ठराव पक्षाच्या बैठकीत शहराध्यक्ष ॲड. सचिन भोसले यांचे उपस्थितीत संमत करण्यात आला आहे. या बैठकीस पक्षाचे सर्व प्रमुख पदाधिकारी, उपजिल्हाप्रमुख, उपशहर प्रमुख, विधानसभा प्रमुख, महिला पदाधिकारी उपस्थित होते.
