लोअर परळ पुलाचा गर्डर उभारण्यासाठी पश्चिम रेल्वेने आज, गुरुवारी आणि उद्या मध्यरात्री चार तासांचा ट्रॅफिक आणि पॉवर ब्लॉक घोषित केला आहे. गुरुवारी रात्री १.१० ते शुक्रवारी पहाटे ५.१० वाजेपर्यंत सर्व मार्गिकांवर हा ब्लॉक असणार आहे.
– पहाटे ४.१५ वाजता चर्चगेट-विरार धीमी लोकल ४.३६ वाजता दादरहून आणि ४.३८ चर्चगेट-बोरिवली धीमी लोकल ५.०८ वाजता वांद्रे येथून सुटणार आहे.
– रात्री ३.२५ वाजता विरार-चर्चगेट, ३.४० वाजता नालासोपारा-बोरिवली धीमी, पहाटे ४.०५ वाजता भाईंदर-चर्चगेट जलद लोकल, ३.५३ वाजता विरार- चर्चगेट जलद या लोकल १५ मिनिटे उशिराने धावणार आहेत.
– बोरिवली -चर्चगेट लोकल रद्द करुन ही लोकल पहाटे ४.४५ वाजता मालाड-चर्चगेट अशी विशेष लोकल म्हणून धावणार आहे.
– पहाटे ४.०२ वाजता बोरिवली-चर्चगेट धीमी लोकल दादरपर्यंत चालविण्यात येणार आहे. ही लोकल माटुंगा रोड आणि माहीम स्थानकात थांबणार नाही.
– पहाटे ४.१४ वाजता बोरिवली-चर्चगेट धीमी लोकल वांद्रे स्थानकापर्यंत धावणार आहे. याच स्थानकातून या लोकलचा परतीचा प्रवास सुरू होईल.
या 6 लोकल रद्द
चर्चगेट-अंधेरी – रात्री १२.३१
चर्चगेट -बोरिवली- रात्री १.००
चर्चगेट -बोरिवली – रात्री १२.४१
अंधेरी-चर्चगेट – पहाटे ४.०४
बोरिवली-चर्चगेट – पहाटे ३.५०
बोरिवली-चर्चगेट – पहाटे ५.३१
