वर्ल्ड ऑफ काँक्रीट इंडिया 2022 प्रदर्शन काँक्रीट आणि बांधकाम क्षेत्रातील साहित्य आणि नाविन्यपूर्ण तंत्रज्ञान सादर करेल
मुंबई, सप्टेंबर २०२२: वर्ल्ड ऑफ काँक्रिट इंडिया हे काँक्रिट, बांधकाम व संरचना क्षेत्रातील आघाडीचे प्रदर्शन उद्योगक्षेत्रासाठी काही नवीन प्रस्ताव घेऊन पुन्हा येत आहे, अशी घोषणा भारतातील आघाडीचे प्रदर्शन आयोजक इन्फोर्मा मार्केट्स इन इंडियाने, मुंबईत केली. यावेळी ‘काँक्रीटद्वारे भारताला जोडणे: नेट झिरोकडे एक प्रवास’ या विषयावर परिसंवाद आयोजित करण्यात आला. या चर्चा सत्रामध्ये दरवर्षीप्रमाणे ७ सप्टेंबर रोजी साजरा केल्या जाणाऱ्या काँक्रीट दिनानिमित्त, तज्ञांनी प्री-फॅब्रिकेटेड कॉंक्रिट, वॉटर प्रूफिंग मटेरियल आणि पायाभूत सुविधा प्रकल्पांच्या बांधकामात सर्वोत्तम तंत्रज्ञानाचा पुरेसा वापर करून ते मजबूत आणि व्यवहार्य बनविण्याचे आवाहन केले. वर्ल्ड ऑफ काँक्रिट इंडिया चे ८वे पर्व १३ ते १५ ऑक्टोबर २०२२ दरम्यान चे मुंबईतील बॉम्बे एग्झिबिशन सेंटरमध्ये आयोजित करण्यात आले आहे.
या परिसंवाद मध्ये बृहन्मुंबई महानगरपालिकेचे रस्ते विभागाचे कार्यकारी अभियंता डॉ. विशाल ठोंबरे; श्री अमित बन्सल, भागीदार, आर्थिक सल्लागार आणि पायाभूत सुविधांसाठी क्षेत्रप्रमुख, डेलॉइट इंडिया; हर्षद शहा, अध्यक्ष, मुंबई सेंटर, बिल्डर्स असोसिएशनचे ऑफ इंडिया, श्री मंदार चित्रे, संचालक, बॅटन कन्सल्टंट्स, श्री कुंजन पोपट, महासचिव, वॉटरप्रूफिंग असोसिएशन ऑफ इंडिया, श्री योगेश मुद्रास, संचालक, इन्फॉर्मा मार्केट्स इन इंडिया, श्री रजनीश खट्टर, सीनियर ग्रुप डायरेक्टर, एनर्जी आणि बांधकाम पोर्टफोलिओ यांनी भाग घेतला.
यावेळी रस्ते पायाभूत सुविधा क्षेत्राबाबत बोलताना डॉ. विशाल ठोंबरे, कार्यकारी अभियंता, रस्ते विभाग, बृहन्मुंबई महानगरपालिका म्हणाले, आम्ही 5 वर्षांचा मास्टर प्लॅन घेऊन आलो आहोत जो टप्प्याटप्प्याने चालेल. मुंबईच्या किनारपट्टीमुळे दर काही दशकांनी मोठ्या विकासाला गती द्यावी लागते. आम्ही दक्षिण मुंबईत मरीन ड्राईव्हपासून वांद्रे-वरळी सी लिंकच्या वरळीच्या टोकापर्यंत अत्याधुनिक पाण्याखालील बोगदा घेऊन येत आहोत. पावसाळ्यातील आव्हानांवर मात करण्यासाठी आम्ही प्रत्येक रस्त्यावर आरसीसी युटिलिटी डक्ट विकसित करत आहोत, शोष खड्डे आणि टाक्या ठेवत आहोत. या घडामोडींमुळे पदपथांचे आयुष्य वाढेल. या व्यतिरिक्त, आम्ही बॅरिकेड्सवर बारकोड लावणे, कामाचे थेट प्रक्षेपण ट्रॅक करण्यासाठी कॅमेरे, पेमेंट करण्यासाठी जीआयएस, रस्ता बंद होण्याच्या सूचना मिळवण्यासाठी रस्ता बंद करण्याचा नकाशा यासारख्या कार्यक्षमतेची खात्री करण्यासाठी अनेक उपाययोजना केल्या आहेत. कॅमेऱ्यांच्या कार्यासाठी सौरऊर्जा हा ऊर्जेचा स्रोत असेल. देशासाठी प्रथमच, मोनोपाइल फाउंडेशनचा वापर केला जाईल आणि भारताला सॅकार्डो प्रणालीसह 12.19 मीटर व्यासाचा पहिला बोगदा पाहायला मिळेल. वर्ल्ड ऑफ काँक्रीट इंडिया सारख्या एक्स्पोमुळे भागधारकांमध्ये जागरूकता निर्माण होईल आणि त्यांना या क्षेत्रातील नाविन्यपूर्ण तंत्रज्ञानासह अपग्रेड केले जाईल.
इन्फोर्मा मार्केट्स इन इंडियाचे व्यवस्थापकीय संचालक श्री. योगेश मुद्रास, काँक्रिट, बांधकाम व संरचना उद्योगांना सामाईक व्यासपीठ पुरवण्याच्या गरजेबद्दल म्हणाले, “न्यू नॉर्मल परिस्थितींमध्ये हवामानविषयक उद्दिष्ट साध्य करण्यासाठी संपूर्ण जग संघर्ष करत असताना, भारतीय सिमेंट व काँक्रिट क्षेत्र हवामान बदलांना प्रतिसाद देण्यात अग्रस्थानी आहे. अनेक मोठ्या काँक्रिट कंपन्यांनी पर्यायी साहित्य व तंत्रज्ञानांचा वापर करून ऊर्जा कार्यक्षमता सुधारली आहे व त्यायोगे कार्बन उत्सर्जनात मोठी कपात केली आहे. वर्ल्ड ऑफ काँक्रिट इंडिया पर्यावरणपूरक काँक्रिटच्या संकल्पनेशी निगडित नवोन्मेष व प्रवाहही प्रस्तुत करणार आहे. व्यावसायिक व निवासी विकासक व कंत्राटदार, विशेषीकृत आर्किटेक्ट्स व इंजिनीअर्स, वितरक, सरकारी प्राधिकरणे व सरकारी महामंडळे यांना एकत्र येऊन, संवाद साधून, नेटवर्किंग करून तसेच उद्योगक्षेत्रातील प्रवाह, आव्हाने व आतील माहितीवर चर्चा करून अद्वितीय अशा व्यवसाय संधी पुरवण्याचे काम हे प्रदर्शन करणार आहे. या एक्स्पोला उद्योगक्षेत्राने ज्या प्रकारचा प्रतिसाद दिला आहे, त्यातून या उद्योगाची क्षमता लक्षात येते. यंदा १५०हून अधिक आघाडीच्या भारतीय व जागतिक कंपन्या या प्रदर्शनात सहभागी होणार असून, त्यातून अनेकांना त्यांचे व्यवसाय पुढे नेण्याच्या संधी उपलब्ध होणार आहेत,” असे ते म्हणाले.
नावीन्यपूर्णतेच्या गरजेवर भर देताना, डेलॉइट इंडियाचे पायाभूत सुविधांसाठी आर्थिक सल्लागार आणि सेक्टर लीडर श्री. अमित बन्सल म्हणाले, “बांधकामाचा कालावधी कमी करण्यासाठी प्री-फॅब्रिकेटेड सामग्री खूप महत्त्वाची आहे. आम्ही गुणवत्ता देखील पाहिली आहे. प्री-फॅब्रिकेटेड फॉरमॅटमध्ये, सर्व काही यांत्रिक पद्धतीने घडते जेथे गुणवत्ता प्रमाणित केली जाते, यामुळे मानवी चुका दूर होण्यास मदत होते. बांधकाम क्षेत्र विकसित होत आहे आणि कुशल कर्मचार्यांची तसेच तंत्रज्ञान अपग्रेडची मागणी आहे. बांधकाम सेवांची वेगाने वाढणारी मागणी पूर्ण करण्यासाठी उद्योगाला मनुष्यबळ प्रशिक्षण, ऑटोमेशन, नवीन बांधकाम तंत्रज्ञान आणि डिजिटायझेशनमध्ये गुंतवणूक करणे आवश्यक आहे. वर्ल्ड ऑफ काँक्रीट इंडिया एक्स्पो २०२२ हे एक व्यासपीठ आहे जिथे सरकारी प्रतिनिधींसह भागधारक बांधकाम विवादांचे जलद निराकरण करण्यासाठी आणि बांधकाम क्षेत्रात गुंतवणूक आकर्षित करण्यासाठी उपाय शोधू शकतात.”
वर्ल्ड ऑफ काँक्रिट इंडिया २०२२ हे प्रदर्शन काँक्रिट व बांधकाम साहित्य, सुका गिलावा (ड्राय मोर्टार) यांना समर्पित असून, प्रीकास्ट तंत्रज्ञाने व फॉर्मवर्क, वॉटरप्रूफिंग सोल्यूशन्स व बांधकामातील रसायने, व्यावसायिक व औद्योगिक फ्लोअरिंग, बांधकाम उपकरणे, एआय व आयटी सोल्युशन्स, बांधकाम सुरक्षितता उपकरणे व स्कॅफोल्डिंग, ३डी प्रिंटिंग सोल्यूशन्स व बीआयएम यांचा प्रदर्शनात समावेश आहे. या तीन दिवसांच्या प्रदर्शनात आर्किटेक्ट्स व इंजिनीअर्स, व्यावसायिक व निवासी विकास व कंत्राटदार, वितरक, सरकारी प्राधिकरणे व सरकारी महामंडळे यांना संवाद साधण्याची व संपूर्ण उद्योगक्षेत्रातील प्रदर्शकांशी नेटवर्किंगची संधी मिळणार आहे.
