आर्टिफिशियल इंटेलिजन्ससाठी वरिष्ठ धोरण सल्लागारपदी नियुक्ती
NHI NEWS AGENCY/REPORTER/ ANAGHA SAKPAL
मुंबई :- एसआरएम इन्स्टिट्यूट ऑफ सायन्स अँड टेक्नॉलॉजी (एसआरएमआयएसटी) संस्थेचे माजी विद्याथी श्रीराम कृष्णन यांची व्हाईट हाऊस ऑफिस ऑफ सायन्स अँड टेक्नॉलॉजी पॉलिसीमध्ये आर्टिफिशियल इंटेलिजन्ससाठी वरिष्ठ धोरण सल्लागारपदी नियुक्ती करण्यात आली आहे. २००५ मध्ये माहिती तंत्रज्ञानाची पदवी प्राप्त केलेल्या श्रीराम यांचा प्रवास हा एसआरएममधील एका होतकरू विद्यार्थ्यापासून ते जागतिक एआय धोरणाला आकार देणाऱ्या प्रमुख व्यक्तीपर्यंत झाला असल्याने विद्यापीठासाठी ही अभिमानाची बाब आहे. हे यश त्यांची बौद्धिक कुशाग्रता आणि तंत्रज्ञानाच्या भविष्याला आकार देणाऱ्या लीडर्सना पुढे आणण्यासाठी एसआरएम विद्यापीठाचा परिवर्तनशील प्रभाव प्रतिबिंबित करते.
आपल्या नवीन भूमिकेत कृत्रिम बुद्धिमत्तेच्या विकास आणि नियमनाबाबत अमेरिकन सरकारला सल्ला देण्यात श्रीराम आघाडीवर असतील. नैतिकता, सुरक्षा आणि सामाजिक प्रभावाशी संबंधित गंभीर समस्यांचे निराकरण करण्यासाठी एआय तंत्रज्ञान जबाबदारीने, समानतेने आणि दूरदृष्टीने तैनात केले जातील याची खात्री करण्यासाठी त्यांचे कार्य महत्त्वपूर्ण असेल. त्यांची नियुक्ती हा केवळ वैयक्तिक विजय नाही तर जागतिक स्तरावर एसआरएम विद्यापीठाच्या माजी विद्यार्थ्यांच्या खोल आणि दूरगामी प्रभावाचा दाखला आहे.
जेव्हा श्रीराम पहिल्यांदा एसआरएममध्ये आले तेव्हा ते संगणक आणि प्रोग्रामिंगच्या जगासाठी तुलनेने अनोळखी होते. त्यांच्यातील जन्मजात कुतूहल आणि दृढनिश्चयाने त्यांना विकासाच्या वाटेवर वेगाने चालण्यास सक्षम केले. आपल्या दुस-या वर्षापर्यंत श्रीराम त्यांच्या बॅचमधील सर्वोच्च विद्यार्थ्यांपैकी एक म्हणून उदयास आले, उदयोन्मुख तंत्रज्ञानाच्या आकलनामुळे ते इतरांपेक्षा वेगळे ठरले. ते पायथन प्रोग्रामिंगच्या सुरुवातीच्या समर्थकांपैकी एक होते ज्यांनी या भाषेला व्यापक मान्यता मिळण्यापूर्वीच ती स्वीकारली होती. नवीन संकल्पनांशी जुळवून घेण्याची त्यांची क्षमता तंत्रज्ञान आणि समस्या सोडवण्याच्या त्यांच्या दूरदर्शी दृष्टिकोनाचे उदाहरण आहे.
एसआरएममध्ये श्रीराम यांचे योगदान हे वर्गातील शिक्षणा पलीकडचे होते. तिसऱ्या वर्षी त्यांनी विद्यापीठाच्या स्टुडंट क्लब अंतर्गत अत्यंत प्रशंसनीय तांत्रिक प्रश्नमंजुषा स्पर्धा “क्रेसीडा-२के४” सुरू केली. या कार्यक्रमाला देशभरातून उत्स्फूर्त प्रतिसाद मिळाला. नाविन्यपूर्ण प्रश्नांचे स्वरूप आणि कार्यक्रमाच्या अखंड अंमलबजावणीचे विद्यार्थी आणि प्राध्यापकांनी कौतुक केले ज्यामुळे एआरएमच्या तांत्रिक संस्कृतीवर कायमचा प्रभाव पडला. या उपक्रमाने त्यांचे नेतृत्व कौशल्य आणि तंत्रज्ञानाच्या वेगवान जगात उत्कृष्टता प्राप्त करण्यासाठी इतरांना प्रेरणा देण्याची त्यांची क्षमता ठळक केली.
ग्रॅज्युएशननंतर श्रीराम यांनी जगातील काही आघाडीच्या तंत्रज्ञान कंपन्यांमध्ये आपल्या उत्कृष्ट कारकिर्दीची सुरुवात केली. त्यांच्या व्यावसायिक प्रवासात मायक्रोसॉफ्ट, ट्विटर, याहू, फेसबुक आणि स्नॅपचॅटमधील प्रमुख भूमिकांचा समावेश आहे जिथे त्यांनी नाविन्यपूर्ण उत्पादने आणि तंत्रज्ञानाच्या विकास आणि विस्तारासाठी योगदान दिले. तांत्रिक आणि धोरणात्मक अशा दोन्ही भूमिकांमधील त्यांच्या अनुभवाने त्यांना तंत्रज्ञानाच्या क्षेत्रातील एक विचारवंत नेता म्हणून स्थापित केले आहे. कौशल्य आणि दूरदर्शी विचारसरणीच्या या अनोख्या मिश्रणामुळे त्यांची व्हाईट हाऊस ऑफिस ऑफ सायन्स अँड टेक्नॉलॉजी पॉलिसीमध्ये आर्टिफिशियल इंटेलिजन्ससाठी वरिष्ठ धोरण सल्लागार म्हणून नियुक्ती झाली. या नव्या भूमिकेत ते राष्ट्राची एआय धोरणे तयार करण्यात आणि परिवर्तनात्मक तंत्रज्ञानासाठी नैतिक आणि धोरणात्मक दृष्टिकोनाचे मार्गदर्शन करण्यात महत्त्वाची भूमिका बजावतील.
एसआरएम इन्स्टिट्यूट ऑफ सायन्स अँड टेक्नॉलॉजीचे संस्थापक आणि कुलपती डॉ. टी.आर. पारिवेंधर* श्रीराम यांच्या कर्तृत्वाचा अभिमान व्यक्त करताना म्हणाले, “आमचा केवळ आमच्या विद्यार्थ्यांच्या शैक्षणिक क्षमतेवरच नव्हे तर त्यांचे नेतृत्व, नाविन्य आणि जगावर प्रभाव पाडण्याची क्षमता यांवरही विश्वास आहे. श्रीराम कृष्णन यांचे यश एसआरएमद्वारे प्रदान केलेले कठोर शैक्षणिक आणि संस्थात्मक पाया अधोरेखित करते. नेतृत्व, टीकात्मक विचार आणि जागतिक दृष्टीकोन यांच्या विकासासह शैक्षणिक क्षेत्रातील उत्कृष्टतेची सांगड घालणाऱ्या सर्वांगीण शिक्षणावर आम्ही नेहमीच भर दिला आहे.”
एसआरएम इन्स्टिट्यूट ऑफ सायन्स अँड टेक्नॉलॉजीचे कुलगुरू डॉ सी. मुथामिझचेल्वन* यांनी शिक्षण आणि शिकण्याच्या संस्थेच्या नाविन्यपूर्ण दृष्टिकोनावर प्रकाश टाकला. त्यांनी सांगितले की, “एसआरएममधील आमचा अध्यापनशास्त्रीय दृष्टीकोन विद्यार्थ्यांना गंभीरपणे विचार करण्यास, उदयोन्मुख तंत्रज्ञान स्वीकारण्यासाठी आणि वेगाने बदलणाऱ्या जगात नेतृत्व करण्यासाठी सक्षम करण्यासाठी डिझाइन केला आहे. आमच्या शिकवण्याच्या पद्धती केवळ सैद्धांतिक ज्ञानावरच लक्ष केंद्रित करत नाहीत, तर त्या ज्ञानाचा वास्तविक-जगातील आव्हानांमध्ये वापर करण्यावरही भर देतात.”
